Page:Romani Collegii Societatis Jesu Musaeum Celeberrimum 1678.pdf/67

19. Marcasita praeparata ex Cadmia, seu Kobalto et Arsenico.
20. Aurea Marcasita ex venis auri, cum frusto auri ramescentis
21. Vena aureae Marcasitae.
22. Granati Boemici una cum vena, ex qua extrahuntur.
23. Metallum Cupri, variique pulveres, auri, argenti, caeterorumque metallorum, in fodinarum venis reperti.
24. Antimonium crudum.
25. Aes ex Antimonio.
26. Minerae aeris, coloris argentei.
27. Adamantes Boemici, Topazii, Smaragdi. etc.
28. Selenites, sive Materia Talci.
29. Matrix Granatorum, durissimus lapis est.
30. Vena et flos ferri.
31. Lignum impetritum, 140 perticis sub montium tegmine repertum.
32. Candidissimus flos ferri cum ramusculis corallo marino perquam simillimus.
33. Crystalla montana, et petare crystalliferae.
Haec omnia partim ex Boemiae, partim ex Hungariae fodinis ad Authorem missa.
Succedunt diversae lapidum species, quae pleraeque à Natura pictrice varias referunt figuras.
Habes itaque frustum Marmoris candido-rubeo colore nitens, aeris Solis in occasu rubicantis similitudinem exprimens, ex terra Braga in Hetruria erutum, ubi hujus fodina viget.
Ex aliis regionibus transmisse variae mineralium species.
Corsica transmisit frustulum viridis Marmoris, quod hortum cum arborum cultura vagum, ad Naturae aemultionem fingit.
Ex Sicilia Viridi-Glauco-marmororea tabella testatur quid Cateneae Territorium intra viscera sua nutriat; unde etiam tabellula Chalcedonii glauci adlata fuit.
Ex Corsica effoditur Granati species vagè albis et nigris maculis intermixta, cujus hic frustum visitur admirabuiles anfractus referens.
Lithantrax, carbo fossilis ex Belgio allatus hic inter reliqua Naturae opera ostentat, quid Leodienfe Territorium pariat.
Agathae albae, et nigrae, et variis ductibus intermixtae, campi Senensium in Hetruria suum hic partum jactare gloriantur.
Ex Amethysto hic duae videntur pyramides, et nonnulla fragmenta, quorum origo cum ignoretur, illa antiquis fragmentis adnumerantur.
Ex Insula Cypri hic rubricans fragmentum videtur marmoris duritiem longè superans, et aliud virile mire vagum Smaragdum exprimens.
Ex Persia Agathae Orientalis particulae hic conservantur, uti et diversa fragmenta lapidis Lazuli, et Turcoidis.
Ex Sicilia Glauco-cyanei coloris, ex Boemia viridis, ex Belgio violacei coloris diaphana fragmenta hic videntur.
Et demum Chalcedonii, qui ex montibus Ruffoli, Territori Volaterranei in Hetruria eruuntur, nec non aliqua ex Porphyrite, et ex rubro Granato, quae ex antiquis fragmentis habentur. Spectatur et atramentarium quinque marmoris speciebus elaboratum, Volaterris ad Authorem, ab Illustrissimo Satrapa Raphaele Massejo transmissum.