f. 197v
homines intenderent suas uires corporales in persecutione corporis mei, quam si unus solus homo, per spiritum suum malum, niteretur persequi infirmitates animae meae. Inuocabam igitur protectorem animae meae. Hic et intelligebam multa de persecutionibus, quas patimur in spiritu yter malos spiritus daemonum et hominum.
329. Hic etiam notaui et ponderaui tormentum illud meum, quod mihi continuum est ex quo noui Germaniam, super defectione tali huius nationis. Auertat Deus ut ne hoc eueniat in re ipsa, quod totiens apparuit in spiritu meo, non quidem per spiritum bonum, sed potius per spiritum diffidentiae, qui tam multis modis me hactenus diuexauit, hoc potissimum coniectans ut omnino desperarem de fructu faciendo, et arri{>erem fugam in animo primum, et deinde ut optarem abire extra sortem hanc R[h]enicam mihi deputatam.
O utinam malorum hominum, uerorum
_______________
