f. 187v
nostra mortificari, ut sentiatur ille qui est extra omnia et per omnia.
308. Postridie Ascensionis * dum ageretur festum sanctissimae Crucis, ego celebraui in ecclesia quae dicitur Sanctae Crucis, extra ciuitatem Mogonti[n]ensem, ubi est memoria illorum insignium miraculorum quae quondam contigerunt: quorum alterum fuit in crucifixo illo qui inibi seruatur, et qui inuentus est super flumen Rheni, et natal I9bat contra tractum fluminis ascendendo; alterum est de altero crucifixo, qui ibi quoque adhuc est, qui dum percussus fuisset a quodam lusore, et caput ipsius amputatum, emisit sanguinem, qui usque in hodiernum diem clarissime cernitur inundasse per imaginem *.
Ibi igitur dum missam celebrassem, ego inueni notabilissimam deuotionem, et magnum sensi dolorem, quod talia miracula iam sint in obliuione apud homines. Proinde orabam Dominum, ut mihi daret spiritum in quo, omnium nomine, ego possem
_______________
