De Philone Carpathio – 374
Philo Carpathius a S. Epiphanio episcopus ordinatus est, ut in vita S. Epipha- nii legitur. Scripsit Commentaria in Cantica canticorum, quae extant in primo tomo Bibliothecae sanctorum Patrum, secundae editionis. Sed videntur multa inserta ex Commentario S. Gregorii Papae in cantica, quae cum reliqua expli- catione non multum cohaerent.
De sancto Ambrosio Mediolanensi – 374
Sanctus Ambrosius episcopus Mediolanensis, vir plane sanctissimus, & doctissimus, Graiano & Theodosio Imperatoribus floruit. Obiit anno tertio post ecessum Theodosii, qui erat trecentesimus nonagesimus septimus ab aduentu Saluatoris; ex Card. Baronio.
Opera eius in editione Parisiensi, anni Domini 1549 qua ego utebar cum haec scriberem, haec sunt:
De officiis, lib. 3.
De virginibus, 3.
Ad virgines exhortatio, 1.
Instituto virginis, 1.
Ad virginem deuotam, 1.
Ad virginem lapsam, 1.
De viduis, 1
De poenitentia, 2.
Exhortatio ad poenitentiam, 1.
De fuga saeculi, 1.
De bono mortis, 1.
Tomi secundi:
De vocatione gentium, lib. 2.
De fide ad Gratianum, 5.
De Spiritu sancto ad eundem, 3.
De fide contra Arianos, 1.
De incarnationis Sacramento, 1.
De mysterio Paschae, 1.
Tertii tomi:
Oratio funebris de obitu Valentiniani.
Alia de obitu Satyri.
De fide resurrectionis Oratio.
Alia de obitu Theodosii.
Epistolarum ad diuersos, lib. 10.
Conciones ad populum, 92.
