Liber de duplici martyrio, sancti Cypriani esse non potest, cum auctor men- tionem faciat Diocletiani & Maximiani Imperatorum qui nondum imperare coeperant, cum sanctus Cyprianus martyrium pateretur ac ut magis miremur qua fronte eiusmodi libri sub Cypriani nomine edantur, meminit hic idem auc- tor belli Caesarei contra Turcas.
Liber de aleatoribus utilis & doctus est, sed non videtur esse Cypriani, cum in principio satis aperte significet auctor, se uniuersali Ecclesiae praesidere & Apostolatum gerere, super quem Christus fundauit Ecclesiam, & Christi vica- riam sedem obtinere, & sibi traditas esse claues ligandi & soluendi, &c. Itaque videtur libellus esse alicuius Romani Pontificis, qui sancti Cypriani scriptiones imitatur, quamuis stili eius elegantiam non assequatur.
Liber de coenae dispositione non solum Cypriani non est, verum neque ali- cuius docti hominis est. Fortasse auctor eius Cyprianus dicebatur, sed longe diuersus ab illo, de quo nunc agimus, nam neque verba, neque sententias ha- bet homine docto dignas, sed ineptas & ridiculas narrationes & fabellas.
Liber de duodecim abusionibus seculi, S. Cypriani esse non potest, cum passim citer scripturas ex versione S. Hieronymi, qua ratione neque S. Augustini erit, quamuis inter eius etiam opera feratur.
Liber de spectaculis egregius est & ad imitationem libri Tertulliani de eodem argumento conscriptus. Ratios dubitandi sitne Cypriani, an non, sola stili diuer- sitas esse videtur.
Liber de incredulitate Iudaica ad Vigilium, nihil est aliud, nisi versio in Lati- nam linguam dialogi Graeci inter Iasonem Christianum & Papiscum Hebraeum, qui Graecus dialogus antiquissimus est, cum eius meminerit Origenes lib. 4 contra Celsum. Auctor autem Latinae versionis non Cyprianus, sed Celsus di- citur, ut perspicuum est ex ultimis verbis libri.
Liber de Iudaeis, qui insecuti sunt Christum, S. Cypriani non esse videtur, ob nimis magnam stili diuersitatem.
De carminibus & orationibus nihil certi habeo, nam neque habemus argumen- ta, unde probemus non esse, opera sunt grauia & docta, & S. Cypriano digna.
De S. Pontio Diacono – (210)
Sanctus Pontius Diaconus S. Cypriani, scipsit insigne volumen de vita &pas- sione S. Cypriani, teste sancto Hieronymo de Script. Eccles. Id volu- men extat ad initium S. Cypriani in editione Iacobi Pamelii.
