f. 191r
cum ipsae sunt spirituales, et per Spiritum Sanctum suggeruntur.
314. Hic quoque notaui modum quo tam sae;)e sensi carnalia carnaliter el in carne. Aliquando autem contingit hoc sic, quod carnalia per carnem sentiantur in carne; aliquando quod carnalia per spiritum malum sentiantur in carne; aliquando uero quod carnalia sentiantur per eumdem malum spiritum in ipso spiritu uitali, aut animali, aut etiam rationali ipsius hominis. Possunt quoque spiritualia quandoque satis carnaliter per spiritum satis carnalem apprehendi, sicut corporalia spiritualiter contingit intelligi et sentiri.
Rogandus est igitur maxime Spiritus Sanctus, ut ipse dignetur moderari omnem spiritum in nobis, id est, tam eum spiritum in quo uita in nobis administratur, et eum in quo sensatio causatur, quam eum ipsum per quem cogitationes ac affectus procurantur; idque fiat donec ueniat tempus illud et illa foelicitas, cum Deus erit omnia in omnibus ac perspicietur.
_______________
