f. 224v
et gloriam ecclesiae Xpi. ac Societatis nostrae, priusquam moriar. Optaui etiam mihi dari gratiam, qua fieret ut nullum diem praeterire sinerem absque notabili fructu. Deus enim uitam dat ad salutem operandam, et omnem diem computat in aliquod bonum opus. Excita, o Deus, igitur desideria in me, non solum quae oporteat adimpleri in fine uitae, sed illa etiam quae tu uis quotidie perfici. O quam felix esset, qui nosse posset quid in singulos dies ab ipso requirat Dominus!
390. In die sancti Blasii *, caput unum ex sacris virginibus, quod ego donaui magistro Simoni pro collegio coni[m]bri-censi, deportatum est Conimbricam *. Faxit Jesús ut inibi usque ad resurrectionem eius et aliorum omnium humanorum corporum venerabiliter et deuote reseruetur.
400. Feria sexta post diem Cinerum *, ego sensi magnum desiderium ut ne Societas nostra aliquid perderet
_______________
