Page:Romani Collegii Societatis Jesu Musaeum Celeberrimum 1678.pdf/74

Collegii Rom. S.J.
continet XII Imperatorum Numismata. Altera pars Numismatum modernorum conservatur in receptaculo, cujus porta non vulgari artificio sive dextrorsum sive sinistrorsum utrimque aperitur. Intra hujus receptaculi latibula jacent diversorum Pontificium, Imperatorum, Regum, Cardinalium, Principum, aliarumque Personarum illustrium Numismata : et Romanorum Pontificum quidem, Julii II. figuris Vaticana descripta restauratio. Pii IV. extructi portus centum cellis, ad urbis munitionem, monumentum. Sixti V. Navicula Petri.
Gregorii XIII. varia, quarum prima ejusdem effigiem ex una parte gestat, cum hac inscriptione: Collegium omnium Nationum Societatis JESU extruxit: alterum latus hoc habet: Sacerdos magnus in vita sua suffulsit domum, et corroboravit templum , in diebus ipsius emanaverunt putei aquarum. Alia ejusdem cum sua effigie laterum cum hac inscriptione: Seminans de benedictionibus, de benedictionibus et metet: ina ltera facie haec legitur inscriptio. Greg. XIII P. M. Collegium Soc. JESU omnium nationum seminarium pro sua in Christianam Religionem, et ordinem illum pietate à fundamentis extruxit et dotavit, anno salutis cIɔ Iɔ LXXXII. Pontificatus sui X. Aliud ejusdem ex uno laterum effigiem cum inscriptione: Collegium Soc.JESU omnium nationum gratia fundatum de religione et literis optimè meritum,alterum latus Moysen et duces populi Israel armatos effigiat. In alio ejusdem Pontificis effigiem gestante legitur: Societatis JESU generale Collegium extruxit et dotavit: altera facie fidei et bonarum actium schemata figurante legis, Bonas artes alit et verae Religioni subjicit Gregorius.
A Clemente Octavo Annus Jubilaei.
A Paulo Quinto duo, quorum unum erectionem columnae ante Liberianam Basilicam, alterum sacelli in eadem Liberiana Eccl. Pontificia Majestate extructae memoriam symbolizat.