Archiducis Austriae Leopoldi, quas omnes magnifici Proceres, et Mecoenates bonarum artium, maxime vero Authori Musaei, tanquam nostro saeculo de Philosophia et Mathesi bene merito, transmiserunt.
Accessit et hoc Anno Excellentissimi Herois Montecuculi Caesarei exercitus Generalissimi donum; videlicet Scutum et Framea Turcis erepta, pretiosis utrumque lapidibus, nec non Auro et Argento obsitum, quo Musaeum Kircherianum exornatum voluit, ad perenne obtentae contra eos victoriae monumentum.
Regum, Philippi IV. Hispaniarum; Ludovici XIV. Galliarum; Christinae Alexandrae; Regis Nepal; Regum Tartariae. Excellentissimi Principis Guldenleeuw filii Regis Daniae, et Proregis Norvegiae; Margaritae, Austriacae Caroli V. Sororis. Principum, Ferdinandi de Medices Magni Ducis Etruriae; Augusti Principis Luneburgensis et Braunsvicensis Musaei Kircheriani Benefactoris; Ferdinandi Alberti Ducis Augusti filii; Trium Principum Holsatiae de Culenbach; Friderici Ducis Holsatiae; Ioannis Friderici S.R.I. Comitis de Valenstain, odie archiepiscopi Pragentis et Primatis Boëmiae, Ordinis Crucigerorum per regnum Bohemiae magni Magistri, et olim Alexandri VII. P.O.M. Camerarii de honore, ut vocant, propter eximia naturae et gratiae talenta Pontificibus et Caesaribus gratissimi, Musaei Kircheriani studiorumque eximii benefactoris. D. D. duorum Principum Durlacensium et Marchionum Badensium; deinde R. P. Christophori Clavii Mathematici incomparabilis; Adami Schal itidem Mathematici insignis et propagatoris fidei in Regno Sinensium, Mandarini; P. Iosephi Anchietae, Thaumaturgi, introductoris Societatis JESU in Brasiliam; Edmundi celebris Galliarum concionatoris; Leonardi Lessii insignis Theologi.
CAPUT V.
Idolorum vetusta Heroum simulacra aere, marmori saxisque incisa.
Inanima faxa, quae ut plurimum e coecis terrae recessibus curiosum nostrum saeculum in Solem eduxit: aut altum sepulta noviter eruit, magno numero in Kircheriano Musaeo splendide asservantur. Sunt autem aliae ex metallo, ex porphyritide, ex lydio lapide, alabastro, marmore, aliisque materiis sculptoriae artis subjectis excisa, et ne confusae omnia permisceantur, primo idolorum simulacra recensebo, tum personarum illustr
Page:Romani Collegii Societatis Jesu Musaeum Celeberrimum 1678.pdf/15
From GATE
Revision as of 16:18, 8 February 2017 by Visconti03 (talk | contribs) (→Not proofread: Created page with "Archiducis ''Austriae Leopoldi'', quas omnes magnifici Proceres, et Mecoenates bonarum artium, maxime vero Authori ''Musaei'', tanquam nostro saeculo de Philosophia et Mathesi...")
This page has not been proofread
... more about "Romani Collegii Societatis Jesu Musaeum Celeberrimum 1678.pdf/15"
Cristina di Svezia +, Montecuccoli, Raimondo +, Clavius, Christoph +, Adam Schaal +, Anchieta, José de +, Archiducis Austriae Leopoldi +, Philippi IV. Hispaniarum +, Ludovici XIV. Galliarum +, Christinae Alexandrae +, Regis Barantolae +, Navaztmachel +, Regis Nepal +, Regum Tartariae +, Principis Guldenleeuw +, Margaritae, Austriacae Caroli V. +, Ferdinandi de Medices +, Augusti Principis Luneburgensis +, Ferdinandi Alberti + and Leonardo Lessio +
