f. 219r
in mentem 143 illa iudicii uniuersalis praeam-bula, bella scilicet et seditiones, terrae motus, pestilentiae et fames, quae in uariis locis quotidie experiuntur et contingunt; item et illa magis communia quae nondum uisa sunt, pressura scilicet gentium in terris prae confusione sonitus maris et fluctuum eius, obscuratio item solis ac lunae, uirtutumque coelorum commotiones, cum caeteris de coelo terroribus et apparitione signi terribilis Filii hominis; quae et ipsa contingent, ita ut homines arescant prae timore et expectatione. Eorum uero signorum omnium cum considerarem uiolentias et tremendos effectus, non potui quin cum lachrymis optarem, et mihi et caeteris omnibus, tum Christianis tum reliquis orbis habitatoribus, praesentibus et futuris, quin optarem, inquam, omnibus mentem uigilantem ac timentem Deum iudicem.
386. Furor belli cum inualescit in aliquam duitatem,
_______________
