Quintus decimus tomus continet auream catenam ex patribus contexam in quatuor euangelia.
Sextus decimus tomus continet Commentaria in omnes epistolas sancti Pauli & sermones de tempore & de sanctis.
Septimus decimus tomus continet septuaginta tria opuscula & scriptum se- cundum in quatuor libros sententiarum ad Anibaldum Cardinalem.
Praeter libros in editione Romana numeratos feruntur sub noine sancti Tho- mae Commentaria in Genesim & in libros Machabaeorum & in septem episto- las canonicas. Sed Commentarium in Genesim a sancto Antonino tertia parte summae historialis tit. 18 cap. 10 reiicitur, ut spurium. Scribit quidem Antonius Senensis in bibliotheca ordinis praedicatorum a sancto Antonino reiici Com- mentarium in Genesim, quod tunc extabat, non illud, quod nuper inuentum & editum est. Sed cum ego commentariumneutrum viderim, non possum de hac re ferre iudicium. De commentario in libros Machabaeorum Lutetiae excuso, non habeo quod dicam, quia commentarium illud non vidi. Commentaria vero in epistolas canonicas videntur mihi erudita & digna ingenio sancti Thomae, praesertim cum in iis cernatur stilus & modus procedendi sancti Tomae, neque obstat, quod in editione Romana hoc opus non recenseatur. Siquidem eo tem- pore hoc opus nusquam inueniebatur, & primum in lucem prodiit Anuerpiae anno 1592.
Obseruatio secunda.
Ex opusculis, quae sancto Thomae tribuuntur, aliqua sunt, quae non est certum esse germana eius opera, quae quia in editione Romana notata sunt diuersitate characteris, de illis nihil dicam. In aliis unum est, quod inscribitur de regimine principum ad regem Cypri, quod mihi multis de causis suspectum semper fuit, primum quia lib. 3 cap. 20 scribit auctor huius operis suo tempore accidisse, ut Adolphus imperator Rodulpho & Albertus Adolpho succederet. At sanc- tus Thomas obiit anno 1274 Adolphus autem Rodulpho successit anno 1292 & Albertus Adolpho anno 1299. Posset quidem fieri, ut ista verba ex margine annotata ab aliquo posteriore in textum irrepserint, sed oratio continuata non videtur admiere istam responsionem. Deinde lib. 3 cap. 10 non semel vocat iste auctor summum pontificem Christi successorum, quod improprie dictum esse nemo nescit, qui Christum pontificem aeternum esse nouit, cui nemo suc- cedit, sed omnes ministrant, at sanctus Thomas ita improprie loqui non solet. Praeterea iste auctor stilum habt a stilo sancti
