De Frodoardo – 960
Frodoardus abbas Remensis scripsit Chronicum Remense ab anno Dom. non- gentesimo decimonono usque ad annum nongentesimum sexagesimum sex- tum quo anno creditur obiisse. Exta cum aliis scriptoribus rerum Gallicanarum ex Bibliotheca P. Pithoer Parisiis anno 1588 excusum.
De Mose Barcepha
Moses Barcepha episcopus Syrus, qui dicitur floruisse hoc seculo, scripsit li- brum de paradiso in partes duas diuisum, qui extat in primo tomo Bibliothecae S. Patrum, edit. secundae est autem hic liber caute legendus, quia non pauca affirmat contra veram theologiam.
Seculum undecimum ab anno 1000 ad 1100
De S. Fulberto Carnotensi
Sanctus Fulbertus episcopus Carnotensis ad initium huius seculi floruit. Obiit autem anno 1028 teste Card. Baronio in Annalibus tomo 11 ad hunc annum. Scripsit epistolas multas ad diuersos, quarum plerasque ponit idem Card. to- mo undecimo. Extat etiam una ad Adeodatum de Sacramento eucharistiae adiuncta libro Paschasii Corbeiensis. Scripsit quoque librum de officiorum ec- clesiasticorum varietate, quem inuenies in bibliotheca S. patrum tomo 3 edit. secundae. Extant epistolae & alia opera eius, impressa Parisiis in octauo anno 1680.
De S. Burchardo Vormaciensi – 1010
Sanctus Burchardus episcopus Vormaciensis eodem tempore vixit, & anno 1026. Obiit sancte & religiose, ut semper vixerat. Scripsit viginti libros decre- torum ex conciliis & pontificibus ac S. Patribus.
De Bernone – 1014
Berno abbas Augiensis vixit eodem tempore. Ipse enim in libro de rebus ad Missae officium pertinentibus cap. 2 testatur, se inter-
