Romulea Babylon Stygia te fornax cremet.
Me versipellis ante Calvini lares,
sonipes Gehennae, siste: sanguineae necis
is melius artem callet. Imbellem nimis
Lutherus ictum vibrat: ebrioso tamen Equum nigrum conscendit
a me salutem, Nigre, Luthero refer clauditur scena
NIG. -Eas; in aula Ditis occurram brevi,
versabo fraudes interim Romae novas
En primus orci faucibus bolus venit.
SCENA SECUNDA
NAVARRUS, NIGRIUS
Scelus suum deflet Navarrus. Eum conatur Nigrius ad desperationem adigere. Deprecante Sto Ignatio
a divina vindicta liberatur.
NAV. -Occumbe sol invise; lucentem diem
altis tenebris merge: fugitivum iubar (/fol. 52r.)
caliginosa noctis obvelet chlamys.
Meum pavescit lucis aspectum scelus.
Hic occidentis aureus Phoebi decor
brevis aliis, est nocte concubia mihi
quam bruma tardat longior, Nigri, heus Nigri,
ora pudibunda sceleris obiectu ferit.
Frustra Navarrum praetor absolvis: reum
inimica lux me iudici sistit mihi
ac turpe crimen exprobrat, damnat, notat,
vibice surda, verbere tacentis flagri.
Quis me recessus, quid latebrosi sinus
seponat antri? Praetor exilium imperat
Page:APUG 1123.pdf/89
From GATE
Revision as of 09:54, 9 April 2024 by Daniel Benvenuti (talk | contribs) (→Not proofread: Created page with "Romulea Babylon Stygia te fornax cremet. Me versipellis ante Calvini lares, sonipes Gehennae, siste: sanguineae necis is melius artem callet. Imbellem nimis Lutherus ictum vib...")
This page has not been proofread