glomerantur acies impiae: toto furens
bacc<h>atur orbe laxa furiarum cohors.
Tu siste saeuos impetus, Christi pugil,
Stygia retunde tela; te tanto ducem
praeire bello syderum Rector iubet.
IGN. -Infirma tantum trepidat ad bellum manus.
HOS. -Trepidare nescit dextera quam firmat Deus.
Ne metue, Ditis regna qui victor quatit
tibi recinget fronde victrice comas.
Quae fraudulentum sceptra Lutheri scelus
depressit Orco, dulce tu rursus iugum
subire coges aetheris Maestae 21. [1]iterum provinciae quae ab Erinnyi Lutherana evaserant caput
exerite Nymphae, lugubres moestae specus
linquite sorores. Vindicem hic, caelo auspice,
spectate vestrum. Roseus in frontem vigor
redeat, *nigrantem ponite dolentes stolam;
priscos honores, pristinum vobis decus
Loyola reddet. *Vincla captiuis, Pater
exolve; tendant liberas caelo manus.
Te liberatorem Orbis agnoscet suum.
IGN. -O cui latebrae pectorum caecae patent,
in me quid oculo cuncta lustranti vides?
Quae mea tueris merita? Stat gelido rigens
in corde langor, deficit menti calor,
vires fatiscunt; facile sed, Numen, tibi
flammare pigrum languidae mentis gelu,
addere gelato pectori caeli faces.
Concinnunt caelites melici
Ludite Nymphae, plaudite nymphae
mittite curas corde vetustas,
noua pertentent gaudia mentes.
MARGINALIA:
- Aperta scena exeunt iterum provinciae quae ab Erinnyi Lutherana evaserant
- Exuunt vestem lugubrem
- Stus Ignatius iis vincula detrahit.
