glomerantur acies impiae: toto furens
bacchatur orbe laxa furiarum cohors.
Tu siste saevos impetus, Christi pugil,
Stygia retunde tela; te tanto ducem
praeire bello syderum Rector iubet.
IGN. -Infirma tantum trepidat ad bellum manus.
HOS. -Trepidare nescit dextera quam firmat Deus.
Ne metue, Ditis regna qui victor quatit
tibi recinget fronde victrice comas.
Quae fraudulentum sceptra Lutheri scelus
depressit Orco, dulce tu rursus iugum
subire coges aetheris Maestae 21. [1]caput
exerite Nymphae, lugubres moestae specus
linquite sorores. Vindicem hic, coelo auspice,
spectate vestrum. Roseus in frontem vigor
redeat, nigrantem 22.[2] ponite dolentes stolam;
priscos honores, pristinum vobis decus
Loyola reddet. Vincula 23. [3] captivis, Pater
exolve; tendant liberas coelo manus.
Te liberatorem Orbis agnoscet suum.
IGN. -O cui latebrae pectorum caecae patent,
in me quid oculo cuncta lustranti vides?
Quae mea tueris merita? Stat gelido rigens
in corde langor, deficit menti calor,
vires fatiscunt; facile sed, Numen, tibi
flammare pigrum languidae mentis gelu,
addere gelato pectori coeli faces. 24.[4]
mittite curas corde vetustas,
