Page:APUG 0385-B.pdf/20

nubes propter similitudinem ad fontes. Ut enim origo
fluviorum dicitur fons, ita etiam origo pluviarum dici
potest fons. Ad 2a vel dicendum cum hebraeis doctoribus, hic loquitur scriptura de pluviis, quae postea sequutae sunt, ut nimirum explicetur quomodo deinceps nascantur herbae. Nam in hebraeo est verbum futuri temporis weed jaaleh et vapor ascendet, nimirum deinceps. Vel si volumus Vulgatam defendere, quae habet ascendebat, dicendum est hinc reddi rationem cur non pluerit initio super terram, cum primae herbae nascerentur, quia nimirum pluviae orientur ex terra per elevationem vaporum a sole; tunc autem sol nondum erat, nam herbae natae sunt tertio die, et sol creatus est quarto die. Hic ergo erit sensus. Nondum pluerat dominus super terram etc. Nam quoniam coepunt pluviae fons seu vapor ascendebat e terra et irrigabat omnem superficiem terrae. Quod enim litera vav accipiatur pro enim notum est.

◅▻