De Cereali – (490)
Cerealis episcopus Africanus, scripsit contra Maximinum episcopum Arianum, librum de fide, qu extat in Bibliotheca sanctorum Patrum, tomo 4 editionis se- cundae, cuius meminit Gennadius Massiliensis.
De sancto Victore Uticensi – (490)
Sanctus Victor Uticensis episcopus scripsit libros tres de persecutione Vanda- lica lectu dignissimos ob insignium martyrum fortitudinem, qui in ea persecu- tione claruerunt. Vixit autem ipse regnante Zenone Imperatore, ut ipse testatur lib. 3 de persecutione Vandalica, id est, circa annum Domini 490.
De Gennadio Massiliensi – (490)
Gennadius Massiliensis presbyter & postea episcopus, vixit tempore Gelasii Papae, circa annum Domini 490 nam ad ipsum Gelasium misisse librum suum de fide testatur ipse Gennadius in extremo lib. suo de viris illustribus, quamuis non in omnibus codicibus liber Gennadii inueniatur completus. Scripsit librum de ecclesiasticis dogmatibus, qui extat inter libros sancti Augustini & hic esse creditur liber, quem ipse misit ad Gelasium.
Scripsit etiam librum de viris illustribus, in quo suspicionem non pa- ruam reliquit suae non rectae fidei. Laudauit enim Cassianum & Faustum, qui semipelagiani fuerunt & sanctum Prosperum depressit, qui pro grati Dei con- tra Pelagium fortissime dimicauit.
Scripsit praeterea multa alia, quae ipse commemorat in extremo libro de viris illustribus, sed ea non extant aut certe ad manus meas non venerunt.
De Pomerio – (490)
Pomerius, alias Iulianus Pomerius, presbyter, viuebat cum Gennadius catalo- gum suum scriberet; scripsit autem per modum dialogi libros octo de natura animae, qui videntur excerpti ex libris octo Gregorii Nysseni, de Philosophia, siue potius Nemesii philosophi, de anima; scripsit etiam prognosticon tribus libris comprehensum, sed diuersum ab eo, quod diu postea scripsit sanctus Iu- lianus Archiepiscopus Toletanus. Vide card. Baronium in notis Marturologii, die 8 Martii.
