erat, & vilis, se ipso plenus, intellectu plano & aequali, & sine mistura nullum habens appetitum inordinatum.
Postquam verò Satanas fraudibus suis usus, effecit; ut Adamus id quod ex se & sua natura purum erat, & perfectum, inficeret. hoc est fecit ut malitia in ipsum intrare inciperet perturbatura pacem, & huius suae simplicitatis aequalitatem, & discordiam illa fraude introduxit . Idcirco trecentis sexaginta quinque sectis una post alteram obortis, unaquaeque; earum maximum quem poterat numerum ad se trahebat. Aliqui creaturam Creatoris loco habebant. Alii principium rerum omnium vacuum ponebant, & ens reale (alludit ad hoc secta Pagodùm et literatorum Sinensium:) quoniam illi asserunt, quod principium, è quo omnia prodière, sit vacuum; quod idem illis est ac subtile, sensibus imperceptibile, etiamsi in se reale sit & positivum principium. Literati verò dicunt, quod principium rerum non solum reale sit, & positivum; sed praetera quod talis sit figurae , & corpulentiae, ut sensibus comprehendi queat.
Quidam sacrificiis quaerebant beatitudinem.
Quidam bonitate quadam gloriabantur ad decipiendos homines, qua in re omnem suam scientiam & industriam collocabant,
Page:Prodromus coptus sive aegyptiacus (1636).djvu/85
From GATE
Revision as of 15:50, 22 November 2018 by ViscontiDiMarca (talk | contribs)
This page has not been proofread
![](/mediawiki/images/thumb/7/7c/Prodromus_coptus_sive_aegyptiacus_%281636%29.djvu/page85-1024px-Prodromus_coptus_sive_aegyptiacus_%281636%29.djvu.jpg)
... more about "Prodromus coptus sive aegyptiacus (1636).djvu/85"