Dico itaque hoc modo, ille qui semper verus fuit et quietus, omnis expers principii, intellectus profundissimi, et semper duraturi, excellente potentia sua creavit res, infinita Maiestate sua et sanctitate fecit sanctos. Haec est essentia divina, trina in personis, et in substantia una, Dominus noster, verus fine principio, Olo. o yu (quod in Chaldaeo idem ac Eloha significat) in figura Crucis fecit quatuor mundi partes. commovit Chaos, fecit duo Kis (hoc est duas virtutes seu duas qualitates dictas Inyam ) mutavit tenebras, fecit caelum et terram, fecit ut Sol et Luna motibus suis noctem et diem causarentur, res omnes fabricatus est. Verum creando primum hominem ei praeterea Iustitiam largitus est originalem, Dominum eum constituendo totius universi, qui de sua natura primo vacuus
