f. 130v
Quaerenda igitur erunt signa, quibus significari possit me amare, magis diligenter quam illa quibus significatur me amari. Haec erunt labores propter Christum et propter proximum, iuxta illud Christi ad Petrum: «Diligis me plus his? Pasce oues meas» *. Vide igitur ut sis Petrus primo, ut postea sis Joannes^ qui plus diligitur, et in quo est gratia. Hactenus noluisti esse primo Joannes, et deinde Petrus. Haec scribebam in die sancti Stephani dictis lam vesperis beati Johannis euangelistae. 81 ^
199. In die sancti Joannis euangelistae ego dixi missam pro necessitatibus quibusdam spiritualibus, et contra quaedam frigora malignorum spirituum, qui me frequenter ita disponunt erga quosdam proximos, et illos erga me, ut nesciamus alterutrum ferre nec corripere. Inueni ergo in hoc satis magnam' deuotionem et magnam spem contra molestias demonum, eas, mquam, molestias, quibus
_______________
