f. 117r
magnas, juxta illud: «Et tuam ipsius animam pertransi-bit gladius», etc. \
177. Die qua sepulturae traditus est Bartholomeus Monso-no, decima tertia scilicet Nouembris, in oppido inferioris Iggel-hemi, duabus leucis [a Moguntia] habui quasdam tristitias recogitando aliquas malas negligentias circa ipsius curam. Videbar enim mihi nihil illi ** fecisse. In quo habui tale responsum: Bonum esse quando in omnibus operibus ultra progreditur quisque uoluntate, sic quod uoluntas non defatigetur, aut grauetur propter operam. Aliud documentum sensi, considerans aliquas repugnantias quae solent accidere his, qui se exercent talibus cha-ritatis operibus circa infirmos et maxime pauperes, propter pericula contagionum, propter foetores, et alia incommoda ex qui bus possit quis in mala eadem uel alia incidere; et documentum fuit in hoc, scilicet, quod oporteat unumquemque attendentem ad talia, aut alia quaeuis opera bona
_______________
