Page:FC 1042.djvu/250

From GATE
This page has not been proofread



f. 117v



Paratum esse finire uitam in quolibet bono opere. solum Christum ita esse paratum, ut in quolibet tali bono opere, utcumque[1] sit, libenter[2] uelit finire uitam. Hic mecum quoque dum[3] quaererem aliquam causam deuotionis, et gratiarum actionis ex eo ipso, quod praedictus Canonicus B.[4] Bartholomeus mortuus fuisset post medium noctis diei Dominici[5], uidelicet circiter secundam horam, illud mihi occurrit ad spem bonam, quia[6] praedictus fuerat (et hoc certe[7] sciebam ex fide[8] ipsius, et ex socio) optime, et continuo ex multis annis deuotissimus erga honorem Sancti Michalis[9] Arcangeli, cui quidem cum omnibus alijs Angelis dies lunae in spetiem quamdam com[m]emorationis, in quibusdam[10] ecclesiis dicata est, gaudebam ergo quod tali die obijsset, et ex hoc consolabar. Die alio quodam cum celebrarem officium missae principali intentione pro Bac[c]alaureo[11] Alphonso nostro, qui die praecedenti abierat Louanium, ego tenens in manibus meis indignus dignissimum Eucharistiae sacramentum, recognoui magnam

_______________

  1. utcumque] ubicumque MF
  2. libenter] lubenter MF
  3. mecum quoque dum] quoque dum mecum MF
  4. B.] dominus MF
  5. Dominici] dominicae MF [p. 583]
  6. quia] quod MF
  7. certe] certo MF
  8. fide] fine MF
  9. Michalis] Michaelis MF
  10. in quibusdam] a multis MF
  11. Bac[c]alaureo] domino Aluaro MF