Quando fluviatiles relictis fluviis prata quaerunt, terrestres aquas.
Quando apes non exeunt ex alveariis, aut non longe ab illis avolant: Arietes ultra solitum faliunt, & se se capitibus petunt: asini aures quatiunt.
Quando muscae oculos hominum petunt. Quando eaedem, & pulices atrocius mordent. Quando lombrici e terra erumpunt. Quando ranae extra ordinem coaxant. Quando feles caput & aures anterioribus pedibus abluunt, lingua corpus reliquum mundant.
Quando vulpes & lupi ululant. Quando formicae a collectione frugum cessantes infra terram se abscondunt. Quando boves stricte iuncti ad coelum caput elevant, & se lambunt. Quando sues ludentes foeni manipulos dilaniant. Quando columbae citius ad columbaria revertuntur.
Quando Galli gallinacei ante horas solitas cantant: gallinae coniestae in pulverem se concutiunt: bubones in montibus aut locis sublimibus ululant: cervi dimicant, & se concutiunt: fringilli diluculo cantat; delphini frequentes in mari conspiciuntur.
Iridis arcus in meridie ortus, magnam aquarum vim denotat: circa Occasum, levem pluviam, & tonitrua: circa vesperum ab Ortu conspectus, serenitatem.
Iridis color quo magis viridis, eo copiosiorem pluviam significat: rubeus valde, ventorum flatus.
Iris circa Lunam, seu halo, australes indicat aquas. Iris Solis apparens aere sereno, portendit pluvias; aere pluvio, serenitatem.
Aeris mutatio instat, dum moventur arborum folia absque ventorum afflatu: dum scaturita qua uberius solito, aut ubi
