non solebat: dum augentur fontes & flumina absque pluvia praevia: dum enatant bullae super aquas: dum irides apparent circa lumen lucernarum, lampadum, candelarum: dum lucernae difficulter accenduntur: dum flamma oblique volitat, aut radii reflectuntur: dum humectantur carnes salivae: dum sudant lapides &c.
Coelum sero rubens indicat sequentis diei serenitatem: mane rubens, subsecurtas pluvias.
Fumus seu vapor albus supra aquas, paludes, prata ante Solis Ortum, & post eius Occasum, elevatus praenuntiar diei subsequentis calorem & serenitatem.
Sol pallidus, & quasi aqueus oriens praesignat pluvias; occidens ventos.
Solis radii in Ortu aut Occasu quasi contracti, minus illustres, & decurtati apparentes, imbres denotat. Ortum Solis praecurrentes, ventos & imbres.
Sol e nubibus radios porrigens, eius disci medio nubibus cooperto remanente, pluvias praenuntiat, maxime radiis deorsum porrectis, ut Sol quasi barbatus appareat.
Solis radiis e medio eius sparsim prodeuntibus, exteriore disci eius limbo nubibus tecto manente, ventorum & imbrium tempestas imminet.
Sol occidens sub nube conditus denotat pluvias sequenti die. Si statim Sole tunc occumbente pluat, ventus sequitur die sequenti.
Sole exoriente si nubes se se prope cum conglobant, aspera instat ea die tempestas: si vero ab Ortu Solis versus Occasum nubes illae dispellantur serenitas.
Sol duplicatus aut triplicatus visus, maximam per plures dies tempestatem portendit.
Novilunia, plenilunia, & quadraturae plerumque aeris mutationem afferunt.
