Principem dedecet mediocris regularum nonnullarum circa eadem cognitio, vel ideo, ut si Medici eorum sanitati conservandae, procurandaere deputati id sciat, notitiam eandem non negligant.
Regulae sequentes supponunt Primo, sympathiam quandam inter Zodiaci Signa, & humani corporis membra ac humores intercedere, iuxta dicta Capite praecedenti §. 3.
Supponunt Tertio, Lunam menstruo spatio Zodiacum percurrentem, idem fere secundum analogiam quandam praestare in rebus sublunaribus, quod Sol praestat percurrendo eadem spatio annuo. Hinc primus Lunae quadrans respondet Solis quadranti verno, secundus illius aestivo huius, tertius illius autumnali huius, quartus denique illius hiemali huius.
Supponunt Quarto, lucem & influxus Lunae, ex vario Solis aspectus, varie modificari, ac proinde varios effectus producere. Est enim influxus sizigiae alius ab influxu oppositionis eorum, & hic alius ab influxu quadrato, trino, sextili, platico, & partili.
His suppositis, sequentes plerique circa phlebotomiam seu sanguinis missionem praescribunt regulas Astronomo-Medici, diuturna missionem praescribunt regulas Astronomo-Medici, diuturna,ut aiunt, comprobatas ex perientia, & ratione stabilitas.
1. Phlebotomia seu sanguinis missio adhibenda est Iuvenibus in prima quadratura Lunae, durante videlicet vere Lunari, tempore aetati illi conveniente: Viris in secunda quadratura, videlicit in aestate Lunari, tempore virili aetati conveniente: Senibus in tertia quadratura, scilicet in Lunari autumno, qui aetati illi convenit: Decrepitis denique in quarta quadratura, hieme scilicet Lunari, conveniente aetati decrepitae.
2. Attendenda est (si fieri potest) indicatio sumpta a
