Mobilis, ut vocant, consentum praedictum habere non posse, sed prout cum influxibus Solis, Lunae & reliquorum Planetarum sub ipsis, aut prope ipsos, commorantium miscentur.
Astronomia & Astrologia, quas astrorum naturam, qualitates, motus, influxus, aspectus, aliaque phaenomena & accidentia contemplari diximus initio huius Libri septimi, tam est Hippocratis & aliorum summorum Medicorum iudicio necessaria Medico, ut sine ea temerarium iudicetur medicinam exercere. Causa haec est. Humani corporis humores es a causis naturalibus, praesertim vero coelestibus influxibus geniti, ab iisdem foventur, alterantur, corrumpuntur. Docent id Philosophi, Medici, Experientia quotidiana. Experimur, Solem in Signo Leonis, Caniculam cum Marte orientem, augere aestum, humana proinde corpora excalefacere & exsiccare, biliosum humore concitare, aegritudines calidas generare, ob corpora ambietis caloris copia adusta, resolutisque spiritibus debilitata, Scimus, sanitatem vel morte per crisin terminatas dependere ex motu Lunae, aegrorum statum ad variationem phasium illias variari, aliaque similia manifeste in Luminarium coniunctionibus, oppositionibus, quadraturis contingere. Hippocrates docet, ad exploranda aegritudinum naturas & qualitates, eventusque faustos aut infaustos praesagiendos, observandam conditionem temporum. Docet insuper, in aequinoctiis, solstitiis, Luminarium coniunctione, oppositione, stellarum calidarum exortu, medicamentis esse abstinendum, nisi necessitas maxima urgeat. Congruum ergo maxime est, & necessarium, Medicos habere eximiam Astronomicarum rerum notitiam, earum praecipue, e quibus phlebotomiae seu sanguinis emissionis, & medicinae sumptionis eventus bonus aut malus provenit. Nec
