aut isosceles A C D, atque ex angulo A per punctum B duc perpendicularem lineam; ex eodemque A suspende filumcum pondere B; et habebis instrumentum simplicissimum, quo plana aequilibrabis, et utrum sint aequilibrata, examinabis in hunc modum. Erige triangulum supra plani dati latitudinem, ita ut base sua C D insistat plano, et permitte libere pendere perpendiculum: si filum congruit lineae A B instrumenti, aequilibratum est planum secundum unum situm, scilicet secundum latitudinem. Verte deinde instrumentum, ut basis C D insistat plano secundum longitudinem: Si filum iterum congruit lineae A B, aequilibrantum etiam est secundum longitudinem, atque adeo secundum omnem situm.
Simili modo aequilibrabis planum mobile. Si filum non congruit lineae A B, eleva ac deprime planum triangulo manente erecto, donec id contingat, et habebis planum Horizonti parallelum.
Linea Meridiana quomodo in plano Horizontali
Linea Meridiana in plano Horizontali aequilibrato multis modis inveniri potest: faciliores et usitatiores aliquos hic insinuo; alios fortassis alibi tradam. Itaque inveniri potest linea Meridiana.
Primo, per acum magneticam in pixide supra obelum libratam, supposita tamen notitia declinationis in eo loco, in quo adhibetur.
Secundo, describendo ex eodem centro plures circulos concentricos, infigendoque centro perpendiculariter stylum, ac observando semelante, et semel post meridiem, donec umbrae styli extremitas
