f. 169v
omnium sensuum huius uitae temporalis, et resurgere in no-uitate spiritus et carnis, ut agar secundum spiritum Jesu Xpi. Domini nostri, qui mortuus est propter peccata nostra et resurrexit propter iustificationem nostram, ut peccatis mortui, Xpi. iustitiae uiuamus, et ita uiuamus, ut iam non moriamur, in peccata reincidendo, nec permittamus mortem peccati nobis ultra dominari j; quia «Xpus. resurgens a mortuis iam non moritur. Mors illi ultra non dominabitur» *.
273. In die sancto dominicae Resurrectionis ego sensi quandam insolitam consolationem in missa; et tamen mihi non aderat sensibilis deuotio illa, uel quia nimium frequenter ad propriam satisfactionem, et etiam ad aliorum aedificationem, appetitu quodam, in quo aliquid etiam de meo, concupiscebam; aut saltem mouebar ad concupiscendum illam
_______________
