f. 162r
communicare in Christo. Ibi igitur, in missa, sensi quod bona pars communicandi cum ipso est sentire ea quae ipse sentiebat in passione, non solum in corpore suo, sed in anima, in qua erat dolor propter animarum pericula aeterna, quae ipsis imminent, et non solum propter aeterna, sed etiam propter pericula poenarum temporalium, maxime autem earum quae sunt in purgatorio. Haec uerba supradicta non fuerunt michi suggesta hic quantum ad intellectum, nec quantum ad memoriam, quasi noua, sed sensus ipse fuit nouus et insolitus. 108
258. In cathedra sancti Petri **, dum essem in missa, et sentirem solitas quasdam amaritudines ex meis inperfectionibus nascentes, ego recepi responsum, per satis bonam cogitationem, quod non deberem tanti facere tales inperfectiones, nec ita esse attentus ad eas ut solitus sum, quia contemnendo facile possunt euanescere, et quoniam saepe fiat ut illarum contemplatio sola me reddat illo modo imperfectum.
_______________
