f. 186v
intellectus eius, quod est quaerere Deum et Christum extra et supra omnem creaturam, et uelle cognoscere eum in seipso. Et datum est quoque intelligere quasdam differentias, et sentire eas in spiritu, circa illud quod est apprehendere creaturam sine Deo, siue creaturam in ipso Deo, Deum in ipsa creatura, et Deum absque creatura. Iste autem est uerus ^ ascensus mentis et spiritus, ut per cognitionem creaturarum et affectus ascendamus ad Creatorem agnoscendum et amandum, in creaturis solis nullo pacto consistentes.
306. Secundo ueniendum est ad Creatorem, quatenus saltem ipse est, et uiuit, et operatur in creaturis. Sed nec ibi consistendum adhuc est, sed quaerendus est Deus in seipso, et seorsum, supra omnem creaturam et extra (non exclusus tamen ab ulla creatura), et infra. Postea ueniet ut in ipso creaturae cognoscantur omnes longe perfectius quam fuerint in seipsis notae, immo etiam perfectius quam in seipsis extiterint. O utinam
_______________
