f. 107v
ego tanto magis laborem, et torquear uariis desideriis et affectibus, propter salutem proximorum et ipsorum profectum, quanto minus sufficienter in his, quae ego possem operari, laboro. Sic itaque fit ut et in externis operibus deficiam nimium frequenter, et in desideriis spiritus mei et affectibus su perabundem.
161. Deus optimus maximus omnia ordinet et rectificet, et componat et justificet secundum beneplacitum suae uoluntatis; faciatque ut ego non solum inquiram quisnam ipse est, sed etiam quidnam ipse uelit nos facere, ipse quidem omnibus modis infinitus est; supra omnem capacitatem et intelligentiam creatam; infinitus infra omnem captum creatum; infinitus sub omni discursu captus creati; infinitus uersus anteriora omnium creaturarum; infinitus a posteriori omnium creaturarum, et infinitus intra
_______________
