f. 167r
pontificis auxilium.
268. In die sancto Passionis dominicae *, ego notaui et sensi ea quae hic sequuntur: et primo, illud unum aduerti quod in tota Quadragesima ego fui agitatus uariis motibus cogitationum et spirituum, in quibus uidebantur renouari plagae miseriarum mearum ac imperfectionum, quibus fiebat ut, licet uellem, nescirem tamen dolere nisi super me et super filiis meis, id est, propter imperfectiones mei ipsius et operum meorum, quae sunt uel in ordine ad Xpum., uel in ordine ad proximum, uel in ordine ad meipsum. Spiritus meus totus erat distractus a rebus in quibus iampridem nouit esse pacem suam. Caro autem tota erat in illis in quibus ab ineunte aetate deprehensa est mors sua et inquietudo. Inordinationes porro actionum mearum, et torpor, et ignoratio reuixisse uidebantur;
_______________
