Page:De scriptoribus ecclesiasticis liber unus (1613).pdf/243

◅▻

Ab anno Domini 1400 ad 1500

p. 225

Scripsit opus egregium quod inscripsit Doctrinale fidei antiquae, tribus tomis distinctum.

In primo tomo disputatur contra haereticos Vviclesitas & Hussitas de Deo, de Christo, De Petro, De ecclesia, De religiosis.

In secundo, de sacramentis, contra eosdem.

In tertio, de sacramentalibus, contra eosdem.

Dicitur etiam scripsisse in multos libros diuinae scripturae & in Magistrum Sententiarum commentaria & varios tractatus, sed ego non vidi, nisi tomos illos tres doctrinales fidei antiquae, nec scio an alia extent typis excusa.

[310.] De Augustino de Roma – 1430

Augustinus de Roma, episcopus Nazarenus, ordinis sancti Augustini, scripsit: In primum librum Sententiarum.
Item in omnes epistolas sancti Pauli.
In epistolas canonicas.
In Apocalypsim.
Scripsit etiam De peccato originali.
De libero arbitrio.
De potestate papae.
De sacramento diuinitatis Iesu Christi & ecclesiae.
De Christo capite & eius inclyto principatu.
De charitate Christi circa electos & de eius infinito amore.

Sed haec tria opera prohibita inueniuntur in Indice librorum prohibitorum, donec expurgentur.
Obiit anno Domini 1445.

[311.] De Ioanne de Imola – 1430

Ioannes de Imola iureconsultus celebris, scripsit super tres libros Decretalium, super sextum & Clementinas.
Obiit anno Domini 1436.

[312.] De Paulo Burgensi – 1430

Paulus de sancta Maria, relicta iudaica secta, in qua natus erat, episcopus Burgensis creatus, scripsit Additiones de postillam Nicolai Lirani, quae extant in ipso Lirano. Scripsit etiam Scrutinium scripturarum libris duobus. Viuebat anno 1430.

◅▻