Difference between revisions of "Page:De scriptoribus ecclesiasticis liber unus (1613).pdf/84"
| Header (noinclude): | Header (noinclude): | ||
| Line 1: | Line 1: | ||
| + | <references/> {{TurnPage}} | ||
| + | <br> | ||
| + | <small> | ||
| + | <p style="float:left"> | ||
| + | <i>De scriptoribus ecclesiasticis</i></p> | ||
| + | <p style="float:right"><span style="color:Red"> | ||
| + | p. 66 | ||
| + | </span></p> | ||
| + | </small> | ||
| + | <br> | ||
Revision as of 15:38, 1 June 2020
De scriptoribus ecclesiasticis
p. 66
locum, in quo aduersum voluntatem & propositum meum cogor de beato Lu-
cifero secus quicquam, quam & illius meritum, & mea humanitas, possit, aestimare«, &c.
Sulpicius lib. 2 sacrae historiae: »Caeterum, inquit, Luciferi tum Antiochiae longe diuersa sententia fuit; nam in tantum eos qui Arimini fuerant, condemnauit, ut se etiam ab eorum communione secreuerit, qui eos sub satisfactione, vel ponitentia recepissent«. Id recte an perperam constituerit, dicere non ausim. Sanctus tamen Augustinus liberius schisma Luciferi condemnat, tum in libro de haeresibus, tum in libro de agone Christi cap. 30.
Vide de Luciferi rebus gestis historicos, Ruffinum lib. 1 ca. 30. Sulpitium lib. 2 sacrae histo. Socratem lib. 3 cap. 7. Theodoretum lib. 3 cap. 5. Sozomenum lib. 3 cap. 14. Nicephorum lib. 10 cap. 17. Historiae trip. lib. 6 cap. 23. Libri Luciferi qui extant hi sunt:
Ad Constantium Imperatorem, llib. 2.
De regibus Apostaticis, 1.
De non conueniendo cum haereticis, 1.
De non parcendo delinquentibus in Deum, 1.
Quod moriendum sit pro filio Dei, 1.
Epistola ad Florentium, 1.
His additae sunt epistolae Florentii ad Luciferun.
Item epistolae duae S. Athanasii ad eundem Luciferum.
Item epistola Liberii Papae ad Constantium Imp.
Item epistola Athanasii ad seruos Dei.
De quibus libris vel epistolis nulla dubitatio mihi esse videtur, quin sint eorum auctorum qurum nomina praeferunt.
Impressi sunt hi libri Parisiis anno 1568 opera Io. Tilii episcopi Meldensis.
De Victorino Afro – (350)
C. Marius Victorinus Afer floruit tempore Constantii Imperatoris, anno quadragesimo, ut ipse testatur post Concilium Nicaenum. In senectute conuersus ad fidem est, teste sancto Augustino lib. 8 confess. cap. 2 & post conuersionem relictis libris Gentilium scripsit, teste sancto Hieronymo in lib. de Scriptoribus Ecclesiasticis contra Arianos, & in epistolas B. Pauli: de quo Commentario in epistolas idem Hieronymus scribit in prooemio epistolae ad Galatas, non esse admodum probandum. Extant nunc in tomo 4 vel 8 Bibliothecae Sanctorum Patrum lib. 4 de Trinitate. Hymni tres & carmen Heroicum de Machabaeis quae omnia caute legenda sunt, cum auctor magis arti Rhetoricae, quam Theologiae & sacris literis operam dederit.
