Editing Page:Organum mathematicum libris IX. explicatum (1668).djvu/474

II. Auctor Tabulae aequationis extendit illam solum usque ad annum Christi 5000, uti apparet in Compendio novae rationis restituendi Calendarium, a Gregorio XIII. Pont. Max misso ad Principes Christianos, et celeberrimas quasque Academias, Anno Domini 1577, ut ipsorum exploraret de ratione illa judicium. Clavius vero eandem Tabulam extendit usque ad annum Christi 303300, juxta mentem et regulas Auctoris Lilii. Quam Tabulam ita extensam, ejusque aequandi rationem, cum deinde diligentius excuteret, et cum Tabula Noviluniorum ac Pleniluniorum mediorum a se ad multos annos supputata conferret; deprehendit eam post annos 8200 non amplius Novilunia exhibere Noviluniis coelestibus mediis congruentia, sed illa his esse priora, ac subinde non solum per unum, sed per duos dies esse descendendum. Itaque ab anno 8200 eam correxit, it aut plurimis saeculis etiam longissime distantibus congruere possit. Vitium fortassis ipsemet Lilius animadvertit, sed non magni fecit, propterea quod satis esse judicavit, errorem in Epactae inventione in multis annorum millibus non committi, cura posteris relicta remedium adhibendi, si deprehendissent, Tabulam non amplius veras Epactas exhibere.<br>
<center>MONITIO AD LECTOREM.</center>
VIdimus hactenus, errorem praecipuum Calendarii Veteris in hoc consistere, quod Pascha, et Festa reliqua a Paschate dependentia, non celebrentur legitimo tempore, a Synodo Nicaena praescripto. Praescripsit enim Synodus, inter alia, ut Pascha celebretur in tertia hebdomade mensis primi Lunaris: mensis autem primus Lunaris est ille, cujus Luna XIV cadit aut in psum aequinoctii verni diem (quem voluit esse 21 Martii) aut illum proxime sequitur. In Veteri Calendario Luna XIV primi mensis est revera Luna XVIII hoc nostro saeculo decimo quinto a Christi ortu, quia Novilunia in coelo quatuor diebus citius contingunt, quam ab Aureo numero currente in Calendario indicantur. In Veteri itaque Calendario, quando Luna XIV (revera XVIII) seu terminus Paschalis cadit in posteriores hebdomadis dies, ut in diem Jovis, Veneris, et Sabbathi, celebratur Pascha in hebdomade quarta, contrant