Page:Organum mathematicum libris IX. explicatum (1668).djvu/475

canones Concili Nicaeni: quando cadit in unum dierum inter 21 et 30 Martii contentorum, celebratur in mense secundo: si utrumque contingit, celebratur in hebdomade quarta mensis secundi. Itaque in primo casu celebratur in hebdomade quarta mensis secundi. Itaque in primo casu celebratur vetus Pascha post novum, una hebdomade, in secundo quatuor; in tertio quinque.
Ab his erroribus ut liberaretur Calendarium novum, Gregorius XIII. Summus Pontifex primo, ejecit decem dies ex anno correctionis, hacque ratione reduxit aequinoctium vernum ad diem 21 Martii, in quo erat circa tempora Concilii Nicaeni: secundo, ejecit Cyclum Aurei numeri e Calendario, et substituit ejus loco Cyclum Epactalem, ut ejus beneficio Novilunia coelestia legitimo tempore monstrentur ab Epacta currente. Ut vero ab utroque errore immune maneret Calendarium novum, idem Gregorius XIII. instituit duas aequationes, unam aequinoctii verni seu anni Solaris, alteram Epactarum seu anni Lunaris. Aequinoctii aequatione (quae in hoc consistit, ut qualibet tetracosieteride, seu quolibet quadrigentorum annorum intervallo, tres dies intercalares omittantur) cautum voluit, ne Pascha cadat in secundum mensem: Epactarum aequatione (quae consistit in eo, ut certis annorum centuriis Epactae aut augeantur, aut minuantur, modo praecedenti Capite explicato) voluit cautum, ne Pascha cadat extra tertiam hebdomadam mensis primi.
Utraque aequandi ratio acriter ab aliquibus oppugnatur: superesset itaque, ut examinaremus, an rectae sint institutae dictae aequationes, rationesque oppositas expenderemus: sed loci ac temporis angustia id non permittit; erit fortassis tempus, quando id majori in otio peculiari Opere praestabimus. Sistimus itaque hic calosmum; et ad Computum Ecclesiasticum, cujus gratia hactenus dicta praemisimus, gradum facimus.

◅▻