Editing Page:Organum mathematicum libris IX. explicatum (1668).djvu/161

<center>§ II.</center>
<center>''Secundus Casus, quando Divisor continet plures figuras.''</center>
''Primo''. Colloca Divisorem infra Dividendum ita, ut ultima seu sinitima figura sit sub ultima Dividendi, et penultima illius sub penultima hujus, etc: ut apparet in sequenti exemplo A. Quod si totus Divisor major est quam illa pars Dividendi, cui responderet, si dicto modo collocaretur; debt uno loco magis versus dexteram collocari, ut apparet in sequenti Exemplo B. Et haec est prima Operatio.<br>

Secundo. Vide, vel quoties totus Divisor contineatur in parte illa Dividendi, cui est suppositus; vel certe, quoties ultima ad sinistram figura Divisoris contineatur in illa figura aut figuris Dividendi, quibus supposita est; et Quotum pone post lunulam. Sic in exemplo A videndum, vel quoties 24 contineantur in 48, vel quoties 2 in 4; et in exemplo B videndum, vel quoties 43 contineantur in 328, vel quoties 4 in 32; et post lunulam scribendum est in primo exemplo 2, in secundo exemplo 7, et non amplius propter causam postea dicendam. Et haec est secunda Operatio.<br> 

Tertio. Multiplica Quotum inventum in omnes figuras Divisoris more consueto in Multiplicatione ordinaria, incipiendo a