Page:Organum mathematicum libris IX. explicatum (1668).djvu/162

From GATE
This page has been proofread


dextera versus sinistram; et Productum vel scribe infra Divisorem, ut apparet in sequentibus exemplis C et D; vel mente retine. Deinde subtrahe Productum ab illa parte Dividendi, cui suppositus est Divisor, more etiam ordinario in subtractione, incipiendo a dextera; et residuum scribe supra; deleque et partem Dividendi, a qua facta est subtractio, et Divisorem, et Productum infra Divisorem, ac solum relinque residuum supra scriptum, ut apparet in iisdem exemplis C et D. Et haec est tertia Operatio.
Exemplum C Exemplum D.

Quarto. Promove Divisorem uno solum loco seu figura versus dexteram, ut apparet in sequentibus exemplis E et F. Deinde vide iterum, ut antea, quoties vel Totus Divisor in toto membro Dividendi, cui suppositus est, vel ultima ad sinistram figura Divisoris contineatur in illa figura aut figuris Dividendi, quibus supposita est. Et si quidem Divisor minor est, aut aequalis membro Dividendi, cui suppositus est, scribe Quotum post lunulam, ut vides dactum in exemplo F sequenti; eumque duc in omnes Divisoris figuras, et Productum scribe infra, ac subtrahe a Dividendi membro sibi correspondente, residuumque scribe supra ut antea, ac dele Productum, Divisorem, et membrum Dividendi, relicto solo residuo supra scripto, prout factum vides in sequenti exemplo H. Quod si Divisor major est Quam Dividendi membrum, cui subscriptus est, scribe post lunulam zerum, ut vides factum in sequenti exemplo E; et omissa omni alia operatione, promove iterum Divisorem una figura amplius versus dexteram, et operare ut dictum, ut vides in 5ta Operatione sequentis Exempli G. Et haec est quarta ac quinta Operatio.