Quarta operatio G.
Primo. Colloca Divisorem infra Dividendum ita, ut ultima seu sinistima illius figura sit sub ultima Dividendi, et penultima illius sub penultima hujus, etc: ut apparet in sequenti exemplo A. Quod si totus Divisor major est quam illa pars Dividendi, cui responderet, si dicto modo collocaretur; debet uno loco magis versus dexteram collocari, ut apparet in sequenti Exemplo B. Et haec est prima Operatio.
Exemplum A. Exemplum B.
Secundo. Vide, vel quoties totus Divisor contineatur in parte illa Dividendi, cui est suppositus; vel certe, quoties ultima ad sinistram figura Divisoris contineatur in illa figura aut figuris Dividendi, quibus supposita est; et Quotum pone post lunulam. Sic in exemplo A videndum, vel quoties 24 contineantur in 48, vel quoties 2 in 4; et in exemplo B videndum, vel quoties 43 contineantur in 328, vel quoties 4 in 32; et post lunulam scribendum est in primo exemplo 2, in secundo exemplo 7, et non amplius propter causam postea dicendam. Et haec est secunda Operatio.
Exemplum A. Exemplum B.
Tertio. Multiplica Quotum inventum in omnes figuras Divisoris more consueto in Multiplicatione ordinaria, incipiendo a
