Page:Romani Collegii Societatis Jesu Musaeum Celeberrimum 1678.pdf/20

From GATE
This page has been validated


SERENIS.MI ET POTENTIS.MI FERDINANDI IV AUGUSTISSIMI ROMANORUM REGIS IMMORTALI HONORI HUNC OBELISCUM PSAMMIRTAEUM qui et Sennesertaeus, aut Psammeticus dicitur, aeternum erigit, dicat, consecrat. Athanasus Kircherus e Soc. Iesu eiusde interpres.

Hunc Obeliscum Psammirtao Rex Aegypti Heliopoli quondam erexit annis ante Christum 807. Augustus Caesar inde avulsum, Romae in circo maximo constitutum Soli dicavit annis ante Christum 22. Sixtus V. verò Pont. Max. erutum, et ad portam Flaminiam erectum S. Crucis Honori consecravit, anno post Christum 1589. Eum tandem Ferdinandus III. Caesar ex notarum hucusque reconditarum tenebris in apertam lucem vindicavit anno 1652 Opera Athanasij Kircheri S. I.

Obeliscus praesens à basi usque ad pyramidion olim 100. palmorum longitudinem obtinebat, modo trium palmorum facta diminutione, 97. pal. longus perseverat, quibus si pyramidion 10. palmorum accedat, tota eiusdem altitudo uti olim 110. palmorum longitudinem, ita modò 107. eorumdem obtinet. Huius bina opposita latera maiora in inferiori basi latitudinem 10 2/4 palm. in Superiori, ubi pyramidion contingit 6 ⅔ lat. obtinet. Duo vero minora opposita latera in inferiori Basi 9 ½ In Superiori iuxta pyramidion 5 ¾ palmorum latitudinem continent. Ex quibus totius obelisci Symmetria, et molis quantitas exurgit.