Quinque praecipue requiruntue ad Horologia per Tangentes delineanda: nimirum Primo. Tabula Tangentium singulis Quandrantis circuli gradibus ac minutis primis debitarum, ejusque in Horologiographia usus. Secundo. Triangulum quoddam aequilaterum ad dividendas facile lineas quasdam in decem aequales partes; quod propterea Decatomicum appellare possumus. Tertio. Tangentes distantiarum horarum Astronomicarum, distantiarum dico ad gradus revocaturum, inchoatarum vel a Meridiano, vel a linea horae sextae. Quarto. Triangulum Gnomonicum Tangentium ope contructum. Quinto. Tabulae Tangentium pro arcubus Zodiaci Horologio constructo inscribendis. De singulis agam.
Tabulae Tangentium pro Horographia.
SUppono aliunde notum Tyroni, quem instruimus, quid sit Sinus, quid Tangens, quid Secans. Ea de re tractavimus in Cursu Mathematico Lib.4. quem Trigonometriam Elementarem, sive Doctrinam Sinuum, Tangentium, et Secantium inscripsimus.Quo in Libro, post terminorum explicationem, dedimus quoque Tabulam Sinuum, Tangentium, atque Secantium, constructam ad rationem radii seu Sinus totius 1000 0000 partium, pro singulis Quadrantis gradibus, et graduum singulorum scrupolis primis. In hoc tamen Horologiorum delineandorum negotio tam minuta ac scrupolosa divisione opus non est, sed suffciunt solae Tangentes ad radium 1000 partium calculatae. Harum Tabulam adjunxit P. Clavius citato supra Libello suo. Qui Libello illo caret, potest facile similem sibi cinstruere ex citato loco Cursus Mathematici, si pro radio 1000 0000 partium substituat radium
