Structura Tabulae. Incipiendo a primo anno Christi scribe ordine quotquot vis, v. g. viginti, numeris suis expressos, ut in hac Tabula vides; et supra quartum quemlibet pone litteram B, quae Bissextilem significat.
Usus Tabulae. Proposito quovis anno Christi, abjice millesimos, et centesimos; cum residuis ingredere Tabulam, et incipiendo a sinistra versus dextram, numera tot cellulas columnae inferioris, quot residuos annos habes, reduendo ad initium, quoties opus fuerit. Si ultima cellula, in qua finitur numerus annorum residuorum, suprascriptam habet in superiori columna litteram B, annus propositus est Bissextilis; sin minus, est Communis, et quidem primus, aut secundus, aut tertius, prout sub prima, aut secunda, aut tertia cellula scriptus reperitur. Ne autem cogaris saepius percurrere tabulam integram, abjice ultra millesimos et centesimos annos, etiam vigesimos, quoties potes, nempe in casu propositoter, et cum residuis quinque incipe numerare quinque cellulas.
EXEMPLUM. Vis scire, an annus Christi 1665. sit Bissextilis. Abjice 16, nempe mille et sexcenta, et cum residuis 65 ingredere Tabulam, incipiendo ab unitate columnae inferioris, et numera sexaginta quinque cellulas; percurres totam columnam ter, et quarta vice pervenies usque ad cellulam et numerum 5. Est ergo dictus annus 1665 Communis, et quidem primus post proxime praecedentem Bissextilem, quia substat primae cellulae vacuae post ultimum Bissextilem.
Eodem modo operaberis cum quocunque anno Christi proposito, quantumvis magno, aut parvo.
Post annum Christi 1700, cum non centesimis annis operare modo jam dicto; cum centesimis vero, quales sunt 1800, 1900, 2000, 2100, 2200 etc. operare modo dicendo in Regula sequenti.
