Vide Iconismi XXV Fig. II.
Ut intelligant minus exercitati, quam arte non solum ad libitum scalam ex assumpta linea efficere debeant, sed ex quacunque alia data; lubet apponere sequentem praxin.
Sit igitur data linea AB, dividenda in tot partes, quot aut radius, aut latus internum Polygoni, aut Cortina, aut alia quaecumque eius linea continet. Ponamus in hoc exemplo, datam lineam AB dividendam in partes 1 2 3, sic operare.
Duc lineam CD sufficientis longitusinis, eamque divide in hunc modo. I. circini cruribus modicissime apertu, nota a puncto D versus C, decem minutas particulas DB. II. Accipe circino eodem magis aperto totum spatium DB, illudque transfer, quoties potes, aut lubet, a B versus C, adscriptis numeris ut vides. III. Ex linea DC accipe circine tot particulas, quot continet linea AB data, nempe 123, sintque EF. IV. Supra EF tanqauam basin fiat triangulum EGF, habens crura aequalia basi EF. V. Accipe circino distantiam inter A&B linea data; & posito uno pede in G, abscinde ipsi aequales GH, GI. VI. Duc rectam HI, & ex punctis in CD notatis duc rectas versus verticem G. Dividetur linea HI, aequalis linea AB data, in tot partes, in quot divisa est basis EF, nempe in 123, & recta IK erit scala desiderata.
De Munimentorum Regularium Delineatione in campis, ope Tabula prima & secunda.
Qui Munimenta in campo delineare desiderat, delineet illa primum in charta quam accuratissime, modo iam dicto, aut alio quovis, qui magis placet, adscribendo singularum partium proportionem per numeros ex Tabula 1. & 2. Capitis 6. desumptos. Deinde delineationem in charta factam transferat in
