f. 26v
scendo [crescendo] potius in ipsa cum proposito observandi sic usque ad mortem, tunc inquam sperari potest quod movebitur Dominus dare alios maiores, non autem e contra si scilicet videamus malos in dies peiorari circa obedientiam[1].
Alio quoque die infra idem tempus Visitationis, dum principerem[2] consuetum discursum mysteriorum vitae Christi supra annuntiationem in qua ego considerabam Beatam Virginem offerre se ipsam totam in auxilium[3] Redemptoris, venerunt magna, et optima desideria, ut quicquid ego essem facturus[4] per gratiam eiusdem[5] annunciationis recte intenderem. Item quod matres et patres etiam spirituales habeant intentionem in omnia bona opera quae Dominus requisiturus est in filiis. omnes mulieres antequam conciperent haberent iam intentionem sua omnia[6] bona opera quae Dominus requisiturus est in filiis, et[7] filiabus, et ita de patribus[8], qui habent filios spirituales, vel discipulos[9] ipsis obedientes[10] optabam
_______________
- ↑ obedientiam] add. Die quodam infra octavas Visitationis beatae Mariae ego sensi magna desideria circa quasdam gratias, quas iam antea petieram aliquo modo infra tempus Penthecostes praecedentis, quae quidem desideria erant ut Deus Pater, curator meus, spirituali gratia dignaretur mihi esse pater, faciendo me esse filium; et Ihesus Christus, redemptor, faceret me servum suum et esset mihi dominus; et ut Spiritus Sanctus esset magister meus in omnibus, me docendo et faciendo me esse ipsius verum discipulum. Sensi quoque desiderium erga Virginem matrem, erga dominam et erga advocatam, quo ego petebam ab ipsa, ut dignaretur me docere quomodo possem esse filius Patris, et quomodo servus Ihesu Christi, et quomodo deberem esse discipulus Spiritus Sancti, cum ipsa sit filia Dei allissimi et ancilla Ihesu Christi nunc et mater, et vera discipula Spiritus Sancti, qui ipsam semper sanctificavit et docuit et in omnibus direxit. MF
- ↑ principerem] inciperem MF
- ↑ auxilium] ancillam MF
- ↑ facturus] add. prius MF
- ↑ eius] cuiusdam MF [p. 513]
- ↑ sua omnia] suam in omnia MF
- ↑ et] vel MF
- ↑ patribus] add. corporalibus et de spiritualibus ipsorum MF
- ↑ discipulos] add. qui MF
- ↑ obedientes] obediunt MF
