Page:EBC 1620 03 25 2212.pdf/2

nominatus vir probus et constane sit, et alius illi similis a me nominari possit, tamen existimarem hoc opus exiguo usui futurum, cum hoc ipso tempore quidam Pater Anglus nomine Riccardus Gibbonus proelo commiserit luculenta admodum de rebus ecclesiasticis Angliae historiam compositam ante multos annos à Doctore Marpesfeildo Anglo, qui ipse Rondini in carcere prò fide catholica mortuus est nec tempore Reginae Elizabethae audebat illam in lucem edere. Et haec de hoc negotio dieta sufficiant.
Scribunt ad me Archipresbyter et plures alii Prestonum Monachum Benedictinum nomine Windrictroni personatum quotidie in pejus proficere magisque in dies spiritum suum perversum et in Sedis Apostolicae auctoritatem malevolum animum prodere. Nam qui Ill.mos Cardinales Bellarminium et Peronensem, Sculkenium, Suarem et Lessium calumniis insectatus est, in eodem genere scribendi adhuc perseverat, ut prterea mirari non debeam si in ultimo suo libello Anglico, quem contra meum Romae approbatum edidit, me nullius momenti hominem acrioribus verbis perstringat et verba in alienum sensum detorqueat. In frontispicio libri ponit haec verba: Cum licentia superiorum. At quorum? Certe nonnisi Regis et pseudo episcopi Cantuariensis. In fine libri habet haec verba: Haec omnia Ecclesiae Catholicae judicio subjecta sunto, quia nimirum,ut in libello suo asserit, non vult stare judicio Summi Pontificie nisi cum Concilio generali quod repraesentat totam. Ecclesiam definiat. In hoc quidem libello novam juramenti explicationem inducit quasi prior ille, quam ego et alii impugnaramus, ipsi et aliis non satisfecerit; sed ita torquet juramenti verba ut si haec libertas illi permittatur, facile sit illi quodcunque juramentum licitum futurum. In eoque libello asserii inter alia pag. 64, Summum Pontificem non esse in hac controversia competentem Judicem, tum quod nemo potest esse Judex in propria causa, tum quod Papa nisi adhibeat Concilium Generale errare possit in sententia ferenda. Et quondam libri ejus multum perturbant conscientias
---page break---

◅▻