Page:EBC 1620 03 25 2212.pdf/1

Ill.me et R.me Domine,
Jam satis diu est, mihi vestras ac Ill.mi D. Protectoris ultimas literas ad Archipresbyterum transmi..., ex quo tempore Dinas ab ipso et uno Assistentium ad Ill.mam D.V. scriptas accepi, et quoniam una cum istis literis plures alias ex Anglia recepi, visum mihi est non abs re fore si Ill.mam D.V. de quibusdam articulis in illis contentis certiorem facerem. Assistens ille qui mihi scribit ad Ill.mam D.V. refert Regem Angliae cupere quam maxime ut nova historta Ecclesiae Anglicana texatur, et a prima Angliae conversione usque ad Regis Henrici Octavi tempora deducatur, et in hunc finem nominas se quosdam in Cronicis Angliae maxime versatos, nimirum pseudo Archiepiscopum Cantuar., Apostatam Spalatensem, pseudoepiscopos Wintoniensem et Roffensem, quemdam Hibernum Doctorem Hagovardum magistrum libellorum supplicium, Dodericum Judicem in Regio Banco, Candemum Regem (ut dicunt) fecialium, et Seldenum omnes praeter duos primos in historiis Angliae satis versatos. Is adjungi vult Rex duos sacerdotes saeculares quorum unus est Assistens iste qui nunc ad Ill.mam D.V. scribit quique ea occasione nominatus est, quod Oronichorum Angliae diligens servator habeatur et commoratur in domo Comitis Rutlandiae, cujus filiam licet catholicam Marchio Beckingamiae, qui in magna apud Regem gratta jam diu fuit, in matrimonium sibi dar! cupit: alter sacerdos nondum est nominatus. Asserit tamen iste Aasistens se nolle huic negotio immiscere nisi prius superiorum licentia obtineatur. Et quia forte Ill.ma Dominatio Vestra averet meam hanc in re habere sententiam, dicam ingenue quid mihi videatur. Existimo igitur primo hoc negotium nullum exitum habiturum. Nam vel non aggredientur opus, vel non progredientur, vel non convenient utpote scriptores diversae Religionis, vel si convenient, liber postea aliter in lucem edetur quam ab illis conscriptus fuerit. 2° Quondam suspecta omnia esse debent quae ab hostibus proficiscuntur, poterit subesse aliquis dolus, ut latere poterit anguis in herba. 3° Quamvis ille assistens
---page break---

▻