Page:EBC 1620 03 25 2212.pdf/3

multorum catholicorum, tum quod ejus persona haotenus tolerari videatur, tum quod prae ferat pietatem cum tamen, quod et superbus sit, et quod pertinax persistat contra auctoritatem Summi Pastoris, Concilia et praxim sanctissimorum Fontificum, scripta satis declarant, tum quod persecutio facit ut facile nonnulli Catholici illi assentiantur ut sic libertati bonisque suis consulant, tum quod non nulli ut antea scripsi illi applaudant. Quocirca plures catholici cuperent ut Sua S.tas vel illum nominatim excommunicaret, ut sic Ca tholici sibi caveant ab ejus consortio, vel si hoc illi visum non fuerit, ut saltem illum suspenderet ab altari, et facultatibus privaret (quod haotenus factum non esse mirantur multi) et extra ordinem Sancti Benedicti per Generalem suum ejiciendum curaret, et ejectum publico diplomate declararet, et hoc propter scandalosa ejus scripta, et illam quam mordicus tenet sententiam. Hoc si minus libeat Suae Sanctitati, quae forte ob causas sibi notas mollet hoc tempore de ejus opinione sententiam ferre, posset saltem praetextu scandalosae conversationis qua dictus Prestonus cum pseudo Archiepiscopo Cantuariensi acerrimo fidai hoste utitur, et quia libri ipsius sunt causa schismatis inter Catholicos, praedictis poenis vel aliqua earum in illum animadvertere. Certe sacerdotes nonnulli saepius hisce verbis ad me scribunt: Utinam superiores in hujusmodi homines animadverterent, nam dum dacent et tolerant, nonnullis videntur consentire. Quocirca, si Sedes Apostolica consultum velit (ut certe pro sua piotate vult) animabus periclitantibus et Romani Pontificis auctoritati et honori, severe in hunc hominem ejusque fautores animadvertere debebit. Non est in Anglia episcopus qui in omnes sacerdotes saeculares et regulares et catholicos laicos potestatem habeat, et Archipresbyter in suas tantum (quod pro suo posse facit) jurisdictionem exercere possit. Quocirca eo magis incumbit Sedi Apostolicae. In hujus libelli fine Widdringtonus publicat decreta Par lamenti Parisiensis contra libros Ill.mi Card.lis Bellarmini, Suarez
---page break---

◅▻