Page:Romani Collegii Societatis Jesu Musaeum Celeberrimum 1678.pdf/5

Illustrissimo et Excellentissimo DOMINO,D.JOANNI,S.R.I. COMITI de CLARY, et ALDRINGEN,DOMINO meo semper Colendissimo. ATHANASIUS KIRCHERUS SOC. JESU. S.D.
CUm jam dudum ad propagandum Magnae Deiparae in Monte Eustachiano cultum anxio animo , ad quinque Sacella Campestria,in devotionem peregrinorum exstruenda, agitarer; nec expensae ad operis executionem mihi suppeterent; ecce Excellentia Vestra meam de Concepto Opere assecuta intentionem,(utique inspiratione ejus , de cujus honore agebatur) etiam non rogata , insolita ,et non expectata liberalitate, succurrere, non est dedignata, meque ad pii operis executionem prosequendum instimulari non destitit ; Te enim in expensis qualibuscunque tandem faciendis minimè defuturum , mihi spopondisti. Quod et absque ulla procrastinatione , per Tuum in Urbe Negotiatorem praestitisti. Ne itaque tanto,et adeò Magnifico Fautori, quovis modo ingratus videri possem, nec aliud de praesenti occurreret, nisi Opusculum , cui titulus : Musaeum Collegii Romani Societatis JESU a me exstructum, et a Georgio de Sepibus, Musaei Custode, et meo in Machinis elaborandis Opifice, integra