Constructio Tabularum haec est. In paginis sinistris continentur quantitates semidiurnae pro Signis Australibus. In vertice paginarum sinstrarum exprimuntur numeris altitudines poli, pro quibus serviunt Tabulae. In lateris sinistri columna prima continentur gradus terni trium Signorum -------, dispositi ordine a summo deorsum; in columna secunda, dictorum trium signorum Characteres; in tertia, dies mensium signis et signorum gradibus responpndentes; in quarta, nomina mensium. In lateris dexteri columna prima ad dexteram continentur gradus terni trium Signorum -------, dispositi ordine ab imo sursum; in columna secunda, ipsa tria signa; in tertia, dies mensium signis praedictis correspondentium ordine retrogrado; in quarta, nomina mensium. In columnis intermediis continentur quantitates semidiurnae respondentes lateralibus signis, mensibus, gradibus, diebus, in locis quorum altitudo poli suprascripta est.
In vertice paginarum dexterarum exprimuntur numeris caedem altitudines poli, quae in sinistris sunt expressae. In lateris sinistri prima columna continentur gradus terni Signorum -------, dispositi ordine a summo deorsum; in columna secunda, ipsa signa; in tertia, dies mensium correspondentium; in quarta, nomina mensium. In dexteri lateris columna prima sunt gradus Signorum -------, dispositi ordine ab imo sursum; in secunda, ipsa signa; in tertia, dies mensium correspondentium; in quarta, nomina mensium.
Eodem prorsus modo Tabulas quantitatis dierum et noctium disponit P. Clavius in Commentariis ad Caput 3. Sphaerae, ex quibus, sequentes desumpsi. Alii aliter easdem disponunt. Sed hic ordo mihi magis arridet, quam aliorum, quia non tantum gradus signorum, sed etiam dies mensium continent.
