Potest etiam Tabulas redigi tempus integrum diurnum, et tempus integrum nocturnum, per omnia signa, et Signorum gradus, et pro qualibet poli elevatione. Talem Tabulam ad binos gradus construxit P. Kircherus, pro elevatione poli Viennensi, quam dedimus supra in prima parte huius Libri. Usus Tabulae praedictae, et aliarum similium facillimus est, ut ibidem explicavimus ex Auctore Organi; at minime necessarium est illos adeo extendere, ut ibi factum, quia quantitas tam diurna, quamnocturna, Signorum Borealium descendentium, cuiusmodi sunt 
, 
, 
, eadem prorsus est cum quantitate Signorum ascendentium, quae sunt 
, 
, 
. Idem intelligendum de signis Australibus descendentibus et ascendentibus. Itaque dimidia pars Tabularum pro elevatione poli Viennensi Constructarum sufficeret, si post descensum cum Signo, v.g.II, ascenderetur ordine retrogrado cum signo ; et post descensum cum Signo , ascendderetur cum Signo etc.
Hactenus indicavimus modos varios inveniensi quantitatem se diurnam et nocturnam, seu semidiurnam et seminocturnam. Placet nunc subjicere Tabulas, continentes tempus semidiurnum et seminocturnum, pro Polaribus elevationibus totius Europae, sed ad ternos tantum gradus supputatas, quoniam hoc sufficit, cum plerumque intra duos aut tres dies exigua contingat variatio quantitatis dierum et noctium.
